O Goberno necesita de apoios para sacalos adiante e disponse a negociar co PNV, coma noutrora fixera con CiU e outras formacións de ámbito autonómico. O resultado tamén será o de case sempre, é dicir tanto Euskadi coma Cataluña van saír airosas desta negociación. É certo que se alternan os triunfos duns e outros pero a vitoria sempre recae do mesmo lado da balanza. A Galicia, coma sempre, quedaranlle algunhas migallas o que amosara de novo o escaso peso político desta terra no contexto do Estado. Pero a diferenza de ocorreu noutras ocasións, esta oportunidade debería servir para a reflexión de todos, tanto do Executivo galego coma a da oposición. Ambas foron algunhas das que ocasionaron as gargalladas de moitos dos nosos conveciños. Agora xa non valen de nada as chamadas a vellos tópicos que xa deberían estar superados. O que precisamos é que Galicia comece a gañar ese respecto, e non afecto, do que nunca gozou, que é cuestión de todos. .